Alma býður upp á hugleiðslu í náttúrunni í nágrenni höfuðborgarsvæðisins. Hugleiðslan byrjar kl. 20 og kostar 3.000 krónur. Alma leiðir inn í hugleiðslur sem leggja áherslu á að styrkja okkar tengsl við Móður Jörð og víddir hennar, ásamt því að skynja og vinna með öllu lífinu sem í kringum okkur er.
Nauðsynlegt er að skrá sig til að vera með. Þú munt svo fá tölvupóst tveimur tímum fyrir hugleiðslu með upplýsingum um staðsetningu ásamt leiðbeiningum um hvernig á að komast þangað en staðurinn fer eftir veðri og vindum. Við höfum yfirleitt hist í Heiðmörk eða nágrenni Hvaleyrarvatns en þar eru góðir staðir til að njóta náttúrunnar í skjóli.