Dagana 20. – 21. september tekur Starcodes Acadcemy þátt í Heimsljósamessunni í Mosfellsbæ. Þar kynnum við starfsemi skólans og verðum með varning úr Orkusteinum til sölu. Við hlökkum til að sjá ykkur sem allra flest!
Hægt er að lesa meira um Heimsljósamessuna og skoða dagskrána með því að smella á hlekkinn hér fyrir neðan en eftirfarandi texti kemur af síðu Heimsljósmessunnar.
Heimsljósmessan er haldin ár hvert í september og hefur verið hýst í Lágafellsskóla í Mosfellsbæ.
Mannræktarfélag Íslands heldur utan um alla framkvæmd hátíðarinnar. Öllum er heimilt að vera með og taka þátt.
Heimsljósmessan er fræðandi samvera um heilsu bæði andleg sem líkamleg. Hún byrjar á föstudagskvöldi með heilunarguðþjónustu og svo er full dagskrá laugardag og sunnudag. Heimsljósmessan er alltaf þriðju helgina í september, fer fram í Lágafellsskóla í Mosfellsbæ og hefur verið haldin síðan 2010.
Aðgangseyrir er einungis greiddur við innganginn og gildir miðinn fyrir báða dagana. Verði hefur verið stillt í hóf og er nú 1500 kr fyrir báða daga. Ath. að meðferðaraðilar taka nú við greiðslu fyrir vinnu sína 0 – 3.000 kr í reiðufé.
Mannræktarfélag Íslands er framkvæmdaraðili messunnar. Öllum er velkomið að taka þátt.
Á Heimsljósmessunni er að finna:
- Hollustuveitingastað með hádegismat, kaffi og kökum yfir daginn.
- Fjölmarga fyrirlestra
- Meðferðir: stuttir prufutímar í allskyns meðferðum, breytilegt ár frá ári. Meðal annars er spilaspá, heilun, höfuðbeina og spjald svo og Bowen.
- Hugleiðsluherbergi með mismunandi hugleiðslu alla helgina.
- Markaðstorg: sala og kynningar á listum, námskeiðum, mat og ýmsu sem tengist mannrækt og heilsu.
- Hóptíma svo sem skyggnilýsingar, trommuferðir og dans.